ಹಿರಿಯೂರಿನಲ್ಲಿ ವೀರವನಿತೆ ಒನಕೆ ಓಬವ್ವ ಜಯಂತಿ: ಕವಿತಾ‌ ಮಿಶ್ರಾ, ಶೈಲಶ್ರೀ ಹುಗ್ಗಿ ಅವರಿಗೆ ಸನ್ಮಾನ

ಹಿರಿಯೂರು, ನ.16: ಹಿರಿಯೂರು ತಾಲೂಕು ಆಡಳಿತ ಆಯೋಜಿಸಿದ್ದ ವೀರವನಿತೆ ಒನಕೆ ಓಬವ್ವ ಜಯಂತೋತ್ಸವ ಕಾರ್ಯಕ್ರಮಲ್ಲಿ ನಾಡಿನ ಸಾಧಕ‌ ಮಹಿಳೆಯರಿಬ್ಬರನ್ನು ಸನ್ಮಾನಿಸಿ ಗೌರವಿಸಿತು.

ಕೃಷಿ ಕ್ಷೇತ್ರದಲ್ಲಿ ಅತ್ಯುತ್ತಮ ಸಾಧನೆ ಮಾಡಿದ ರಾಯಚೂರಿನ ಕವಿತಾಳದ ಕವಿತಾ ಮಿಶ್ರಾ ಹಾಗೂ ವಿಕಲಚೇತನರ ಗ್ರಾಮೀಣ ಪುನರ್ವಸತಿ ಕಾರ್ಯಕ್ರಮದಲ್ಲಿ ಅತ್ಯುತ್ತಮ ಸಾಧನೆ ತೋರಿ ರಾಜ್ಯ, ರಾಷ್ಟ್ರಮಟ್ಟದ ಪ್ರಶಸ್ತಿ ಸ್ವೀಕರಿಸಿರುವ
ಅತ್ಯುತ್ತಮ ವಿಕಲಚೇತನರ ಗ್ರಾಮೀಣ ಪುನರ್ವಸತಿ ಕಾರ್ಯಕರ್ತೆ ಕೊಪ್ಪಳ ಜಿಲ್ಲೆ ಗಂಗಾವತಿ ತಾಲೂಕಿನ ವಡ್ಡರ ಹಟ್ಟಿಯ ಶೈಲಶ್ರೀ ಹುಗ್ಗಿ ಅವರನ್ನು ಶಾಸಕಿ ಪೂರ್ಣಿಮಾ ಸನ್ಮಾನಿಸಿ ಗೌರವಿಸಿದರು.
ಈ ಸಂದರ್ಭದಲ್ಲಿ ತಹಶಿಲ್ದಾರ್ ಸೇರಿದಂತೆ ಗಣ್ಯರು ಉಪಸ್ಥಿತರಿದ್ದರು.

ಅಭಿನಂದನೆ: ತಮ್ಮ ಅನುಪಮ‌ ಸಾಧನೆಗೆ ಹಿರಿಯೂರು ತಾಲೂಕು ಆಡಳಿತದಿಂದ ಗೌರವಿಸಲ್ಪಟ್ಟ ಶೈಲಶ್ರೀ ಹುಗ್ಗಿ ಅವರನ್ನು ಸಮಾನ ಮನಸ್ಕರು ವ್ಯಾಟ್ಸಪ್ ಗ್ರೂಪಿನ ಅಡ್ಮಿನ್ ಡಾ. ಜೆ ಎಸ್ ಅಶ್ವತ್ಥಕುಮಾರ್, ಸದಸ್ಯರಾದ ಶಶಿಕಲಾ ರವಿಶಂಕರ್, ಸಿ.ಮಂಜುನಾಥ್, ಶಿವಶಂಕರ ಬಣಗಾರ್ ಮತ್ತಿತರರು ಅಭಿನಂದಿಸಿದ್ದಾರೆ.
*****