ಬಳ್ಳಾರಿ, ಮಾ.14: ಬಳ್ಳಾರಿ ಪೂರ್ವ ವಲಯದ ನೂತನ ಕ್ಷೇತ್ರ ಶಿಕ್ಷಣಾಧಿಕಾರಿಗಳಾಗಿ ನಯೀಮುರ್ ರಹಮಾನ್ .ಕೆ .ಎಸ್. ಅವರು ನಿಯುಕ್ತಿಗೊಂಡಿದ್ದಾರೆ.
ಬುಧವಾರ( ಮಾ.15) ಬೆಳಿಗ್ಗೆ 10-30ಗಂಟೆಗೆ ಕೋಟೆಯಲ್ಲಿರುವ ಬಿಇಓ ಕಚೇರಿಯಲ್ಲಿ
ಅಧಿಕಾರ ಸ್ವೀಕರಿಸುವರು ಎಂದು ಕಚೇರಿ ಮೂಲಗಳು ಕರ್ನಾಟಕ ಕಹಳೆಗೆ ತಿಳಿಸಿವೆ.
ಈಚೆಗೆ ನಡೆದ ಕೌನ್ಸಿಲಿಂಗ್ ನಲ್ಲಿ ನಯೀಮುರ್ ರಹಮಾನ್ ಅವರು ಬಳ್ಳಾರಿ ಪೂರ್ವ ವಲಯವನ್ನು ಆಯ್ಕೆಮಾಡಿಕೊಂಡಿದ್ದರು.
ನೆರೆಯ ಚಿತ್ರದುರ್ಗ ಜಿಲ್ಲೆಯ ಮೊಳಕಾಲ್ಮೂರು ಪಟ್ಟಣದವರಾಗಿರುವ ನಯೀಮುರ್ ರಹಮಾನ್ ಅವರು ಕಳೆದ ಹತ್ತು ವರ್ಷಗಳಿಂದ ಬಳ್ಳಾರಿ ತಾಲೂಕಿನ ಬಂಡಿಹಟ್ಟಿ ಸರಕಾರಿ ಪ್ರೌಢಶಾಲೆ ಸೇರಿದಂತೆ ಹಲವು ಶಾಲೆಗಳ ಮುಖ್ಯ ಗುರುಗಳಾಗಿ ಕರ್ತವ್ಯ ನಿರ್ವಹಿಸಿದ್ದಾರೆ.
ಈವರೆಗೆ ಪ್ರಭಾರಿ ಬಿಇಓ ಆಗಿದ್ದ ಡಯಟ್ ಹಿರಿಯ ಉಪನ್ಯಾಸಕ ಕೆಂಪಯ್ಯ ಅವರು ಅಧಿಕಾರ ವಹಿಸಿ ಕೊಡಲಿದ್ದಾರೆ.
*****