ಬಳ್ಳಾರಿ, ಮಾ.16: ಬಳ್ಳಾರಿ ಪೂರ್ವ ವಲಯದ ನೂತನ ಬಿಇಓಗಳಾಗಿ ಬುಧವಾರ ಅಧಿಕಾರ ಸ್ವೀಕರಿಸಿದ ನಯೀಮುರ್ ರಹಮಾನ್ .ಕೆ .ಎಸ್ ಅವರನ್ನು ಜಿಲ್ಲಾ ಶಿಕ್ಷಕರ ಸಂಘದಿಂದ ಸನ್ಮಾನಿಸಿ ಗೌರವಿಸಲಾಯಿತು.
ಕೋಟೆಯ ಬಿಇಓ ಕಚೇರಿಯಲ್ಲಿ ಬುಧವಾರ ಸಂಜೆ
ನಯೀಮುರ್ ರಹಮಾನ್ .ಕೆ .ಎಸ್ ಅವರನ್ನು
ಸನ್ಮಾನಿಸಿ ಗೌರವಿಸಿದ ಕರ್ನಾಟಕ ರಾಜ್ಯ ಸರಕಾರಿ ಪ್ರಾಥಮಿಕ ಶಾಲಾ ಸಂಘ ಜಿಲ್ಲಾ ಘಟಕದ ಅಧ್ಯಕ್ಷ ಸಿ. ನಿಂಗಪ್ಪ ಅವರು ಮಾತನಾಡಿ ಶೈಕ್ಷಣಿಕ ಅಭಿವೃದ್ಧಿ, ಶಿಕ್ಷಕರ ಕ್ಷೇಮಾಭಿವೃದ್ಧಿಗೆ ತೆಗೆದುಕೊಳ್ಳುವ ನಿರ್ಣಯಗಳಿಗೆ ತಮ್ಮ ಸಂಘದ ಸಂಪೂರ್ಣವಿರುತ್ತದೆ ಎಂದು ಹೇಳಿದರು.
ಪೂರ್ವ ವಲಯಕ್ಕೆ ಮತ್ತೇ ಸರಳ, ಸಜ್ಜನಿಕೆಯ, ಸಹನಾಶೀಲ ಅಧಿಕಾರಿ ಕರ್ತವ್ಯ ನಿರ್ವಹಿಸಲು ಬಂದಿರುವುದು ತಾಲೂಕಿನ ಶಿಕ್ಷಕರಿಗೆ, ಸಂಘದ ಪದಾಧಿಕಾರಿಗಳಿಗೆ ಹರ್ಷವಾಗಿದೆ ಎಂದರು.
ಚುನಾವಣೆ ಸಂದರ್ಭದಲ್ಲಿ ಮಾತ್ರ ಪ್ರತಿಸ್ಪರ್ಧಿಗಳು ಬಳಿಕ ಎಲ್ಲಾ ಶಿಕ್ಷಕರ ಗುಂಪುಗಳು ಒಗ್ಗಟ್ಟಾಗಿ ಮಕ್ಕಳ, ಶೈಕ್ಷಣಿಕ ಬೆಳವಣಿಗೆಗೆ ಶ್ರಮಿಸುತ್ತೇವೆ ಎಂದು ನಿಂಗಪ್ಪ ತಿಳಿಸಿದರು.
ಈ ಸಂದರ್ಭದಲ್ಲಿ ಜಿಲ್ಲಾ ಸಂಘದ ಕಾರ್ಯದರ್ಶಿ ಗುಂಡಪ್ಪನವರ ನಾಗರಾಜ್, ಉಪಾಧ್ಯಕ್ಷ ಅಸಂಗಿ ನಾಗರಾಜ್, ಕುರುಗೋಡು ತಾಲೂಕಿನ ಅಧ್ಯಕ್ಷ ತುಕಾರಾಂ ಗುರುವ , ಕಾರ್ಯದರ್ಶಿ ಶಿವಶಂಕರ್, ಗೌರವ ಅಧ್ಯಕ್ಷ ಸಣ್ಣ ಮಾರಪ್ಪ ತಾಲೂಕ್ ಸಂಘದ ಖಜಾಂಚಿಗಳಾದ ಜಗದೀಶ್, ಉಪಾಧ್ಯಕ್ಷರಾದ ಚನ್ನಬಸಪ್ಪ, ಜಿಲ್ಲಾ ಸಂಘದ ಪದಾಧಿಕಾರಿಗಳಾದ ತಾತಪ್ಪ, ಇಜಾಜ್, ಕರ್ನಾಟಕ ಮಾಧ್ಯಮ ಅಕಾಡೆಮಿ ಪ್ರಶಸ್ತಿ ಪುರಸ್ಕೃತ ಹಿರಿಯ ಪತ್ರಕರ್ತ ಸಿ. ಮಂಜುನಾಥ್, ಜಿಲ್ಲಾ ಸರಕಾರಿ ನೌಕರರ ಸಂಘದ (ಎನ್ ಜಿ ಓ) ಉಪಾಧ್ಯಕ್ಷರಾದ ವಾಸು, ಹುಲುಗಪ್ಪ, ಮತ್ತಿತರ ಸಂಘದ ಪದಾಧಿಕಾರಿಗಳು ಉಪಸ್ಥಿತರಿದ್ದರು.
*****