ಬಳ್ಳಾರಿ, ಆ.9: ಜು.31 ರಂದು ನಿವೃತ್ತರಾದ ಬಳ್ಳಾರಿ ಪೂರ್ವ ಮತ್ತು ಪಶ್ಚಿಮ ವಲಯದ ನಿವೃತ್ತರಾದ 9 ಜನ ಶಿಕ್ಷಕರಿಗೆ ನಗರದ ಬಿಡಿಸಿಸಿ ಬ್ಯಾಂಕ್ ಜನತಾ ಬಜಾರ್ ಶಾಖೆಯಿಂದ ಆತ್ಮೀಯವಾಗಿ ಸನ್ಮಾನಿಸಿ ಗೌರವಿಸಲಾಯಿತು.
ಬುಧವಾರ ಸಂಜೆ ಜರುಗಿದ ಸರಳ ಸಮಾರಂಭದಲ್ಲಿ ಜನತಾ ಬಜಾರ್ ಶಾಖೆಯ ವ್ಯವಸ್ಥಾಪಕ ಟಿ.ಎಸ್. ಕೆಂಚಲಿಂಗಪ್ಪ ಮತ್ತು ಸಿಬ್ಬಂದಿಗಳು ನಿವೃತ್ತ ಅಧ್ಯಾಪಕರನ್ನು ಗೌರವಿಸಿದರು. ಕರ್ನಾಟಕ ಕಹಳೆ ಜತೆ ಮಾತನಾಡಿದ ವ್ಯವಸ್ಥಾಪಕ ಟಿ.ಎಸ್. ಕೆಂಚಲಿಂಗಪ್ಪ ಅವರು, ಶಾಖೆಯ ಗೌರವಾನ್ವಿತ ಗ್ರಾಹಕರಾಗಿರುವ ಅಧ್ಯಾಪಕರನ್ನು ವಯೋ‌ನಿವೃತ್ತಿ ಸಂದರ್ಭದಲ್ಲಿ ಸತ್ಕರಿಸಿ ಗೌರವಿಸುವುದು ನಮಗೆ ಹೆಮ್ಮೆಯ ಸಂಗತಿ. ಕೆಲವು ತಿಂಗಳಿಂದ ನಮ್ಮ ಬ್ಯಾಂಕ್ ವಯೋ ನಿವೃತ್ತಿ ಹೊಂದಿದ ಗ್ರಾಹಕರನ್ನು ಸನ್ಮಾನಿಸುತ್ತಿದೆ. ನಮ್ಮ ಶಾಖೆಯಲ್ಲಿ ಎರಡು ವಲಯಗಳ ಸುಮಾರು 1200 ಕ್ಕೂ ಹೆಚ್ಚು ಜನ ಅಧ್ಯಾಪಕರು ಗ್ರಾಹಕರಾಗಿರುವುದು ಹೆಮ್ಮೆ ಎಂದು ಸಂತಸ ವ್ಯಕ್ತಪಡಿಸಿದರು. ನಿವೃತ್ತ ಮುಖ್ಯಗುರುಗಳಾದ ಮೆಹತಾಬ್, ಚಂದ್ರಪ್ಪ, ನಿವೃತ್ತ ಅಧ್ಯಾಪಕಿ ಶೋಭದೇವಿ ಅವರು ಸೇರಿದಂತೆ ಒಂಬತ್ತು ಜನರನ್ನು ಬಿಡಿಸಿಸಿ ಬ್ಯಾಂಕ್ ಗೌರವಿಸಿರುವುದನ್ನು ಕರ್ನಾಟಕ ರಾಜ್ಯ ಪ್ರಾಥಮಿಕ ಶಾಲಾ ಸಂಘದ ಪೂರ್ವವಲಯ ಘಟಕದ ಅಧ್ಯಕ್ಷ ರಮೇಶ್ ಮತ್ತು ಪದಾಧಿಕಾರಿಗಳು ಸ್ವಾಗತಿಸಿದ್ದಾರೆ. —–
