ಅನುದಿನ‌ ಕವನ-೧೦೯೨, ಕವಿಯಿತ್ರಿ: ಧರಣೀಪ್ರಿಯೆ, ದಾವಣಗೆರೆ, ಕವನದ ಶೀರ್ಷಿಕೆ: ಪ್ರಿಯತಮ

ಪ್ರಿಯತಮ

ಒಲವಿನ ಮಾತಿಂದ
ಸನಿಹಕೆ ಬಂದೆನ್ನ
ಎಚ್ಚರಿಸಿದೆ ಭಾವನೆಯ
ಲೋಕದಲಿ ತೇಲಾಡುತ

ಅಂತಾರಾಳದ ಕದವ ತೆರೆದು
ಸಿಂಗರಿಸಿದೆ ಹೃದಯಮಂದಿರದಿ
ಈ ನಿನ್ನ ಚೆಲವಿನ ಮುಖಪಟವ
ಸದಾ ಮಂದಹಾಸದ ನಿನ್ನಂದವ|

ಕಾಡುವವು ಕನಸುಗಳು
ಬೇಡುವವು ಹಗಲಿರುಳು
ಆ ನಿನ್ನ ಪ್ರೇಮದ ಹಿತನುಡಿಗಳ
ಗೌರವದಿ ಸ್ವೀಕರಿಸಿದೆ ಬಯಕೆಗಳ|

ಯಾವಜನ್ಮದ ಮೈತ್ರಿಯೋ
ಈ ಜನ್ಮದಲಿ ಸೆಳೆದು
ಮನಸುಗಳ ಮಿಲನದಲಿ
ಕಾವ್ಯಾಂಕುರವಾಗಿ ಪದಗಳಲಿ||

-ಧರಣೀಪ್ರಿಯೆ, ದಾವಣಗೆರೆ
*****