ಬಳ್ಳಾರಿ, ಜ. 26: ಇದೇ ಜ. 10 ರಂದು ಬೆಂಗಳೂರಿನಲ್ಲಿ ನಿಧನರಾದ ಕರ್ನಾಟಕ ಗ್ರಾಮೀಣ ಬ್ಯಾಂಕಿನ ನಿವೃತ್ತ ಚೀಫ್ ಮ್ಯಾನೇಜರ್ ಬಿ. ಎಂ. ಕಾಂತಿಮಣಿ ಅವರಿಗೆ ಸಹೋದ್ಯೋಗಿಗಳು, ಬಂಧು‌ಮಿತ್ರರ ಸಹಯೋಗದಲ್ಲಿ ಕುಟುಂಬ ಸದಸ್ಯರು ಜ.28ರಂದು ಭಾನುವಾರ ನಗರದಲ್ಲಿ ನುಡಿನಮನ ಕಾರ್ಯಕ್ರಮ ಹಮ್ಮಿಕೊಂಡಿದ್ದಾರೆ.
ನಗರದ ಕೆಇಬಿ ಕಚೇರಿ ಹಿಂದೆ ಇರುವ ಕನಕದುರ್ಗಮ್ಮ ಬಡಾವಣೆ ( ಸಿದ್ಧಾರ್ಥ ಕಾಲೋನಿ)ಯಲ್ಲಿರುವ
ಕರ್ನಾಟಕ ಗ್ರಾಮೀಣ ಬ್ಯಾಂಕ್ ನೌಕರರ ಪತ್ತಿನ ಸಹಕಾರ ಸಂಘದ ಸಮುದಾಯ ಭವನದಲ್ಲಿ ಬೆಳಿಗ್ಗೆ 10-30 ಗಂಟೆಗೆ ಕಾರ್ಯಕ್ರಮ ಜರುಗಲಿದೆ.
ಬ್ಯಾಂಕಿನ ಸಹೋದ್ಯೋಗಿ ಹಿರಿಯ ಅಧಿಕಾರಿಗಳು, ನಿವೃತ್ತ ಅಧಿಕಾರಿಗಳು, ಸಿಬ್ಬಂದಿ ವರ್ಗ, ಬ್ಯಾಂಕಿನ ವಿವಿಧ ಸಂಘಟನೆಗಳ ಮುಖಂಡರು, ಬಂಧು‌ಮಿತ್ರರು ಉಪಸ್ಥಿತರಿದ್ದು ಭೀಮೈಕ್ಯರಾದ ಬಿ ಎಂ ಕಾಂತಿಮಣಿ ಅವರಿಗೆ ಕಂಬನಿ ಮಿಡಿಯಲಿದ್ದಾರೆ.
ಕೆಜಿಬಿ ನಿವೃತ್ತ ಪ್ರಾದೇಶಿಕ ಪ್ರಬಂಧಕ, ಹಿರಿಯ ಸಾಹಿತಿ ಡಾ. ವೆಂಕಟಯ್ಯ ಅಪ್ಪಗೆರೆ, ನಿವೃತ್ತ ವ್ಯವಸ್ಥಾಪಕರುಗಳಾದ ಗಂಗಣ್ಣ ಪತ್ತಾರ್, ಗಾಳೆಪ್ಪ, ನ್ಯಾಯವಾದಿ ಬಿ.ದುರುಗಪ್ಪ, ಪೊಲೀಸ್ ಇಲಾಖೆ(ಐಜಿಪಿ ಕಚೇರಿ)ಯ ನಿವೃತ್ತ ಅಧೀಕ್ಷಕ ಮಾರುತಿ, ಹಿರಿಯ ಪತ್ರಕರ್ತ ಸಿ.ಮಂಜುನಾಥ್ ಸೇರಿದಂತೆ ಹಲವು ಗಣ್ಯರು ಭಾವಪೂರ್ಣ ಶ್ರದ್ಧಾಂಜಲಿ ಅರ್ಪಿಸಲಿದ್ದಾರೆ.
ಕಾಂತಿಮಣಿ ಅವರ ಧರ್ಮಪತ್ನಿ ಶ್ರೀಮತಿ ಕಾಂತಿಮಣಿ, ಪುತ್ರರಾದ ಪ್ರವೀಣ್ ಕಾಂತಿಮಣಿ, ಅರುಣ್ ಕಾಂತಿಮಣಿ, ಕಿರಣ್ ಕಾಂತಿಮಣಿ, ಅಳಿಯ ಡಾ.ಲಕ್ಕಿಪೃಥ್ವಿರಾಜ್ ಮತ್ತು ಕುಟುಂಬ ಸದಸ್ಯರುಗಳು ನುಡಿನಮನ ಕಾರ್ಯಕ್ರಮದಲ್ಲಿ ಭಾಗವಹಿಸುವರು.
——