ಕವನ
ಕವನಗಳ ಬರೆಯುವೆ
ಭಾವನೆಗಳಲಿ ಬೆರೆತು
ಬವಣೆಗಳ ಮರೆತು
ಬಿಳಿ ಹಾಳೆಯ ಪುಟದಲಿ
ಬರೆಯುವೆ ನಾ ಕವನ //
ನಿನ್ನೆ ನಾಳೆಗಳ ಮರೆತು
ವರ್ತಮಾನಗಳ ಕುರಿತು
ಹರುಷ – ಹರುಷದಿ
ವಿರಸವ ಮರೆಸುವ
ಬರೆಯುವೆ ನಾ ಕವನ //
ಯಾರ ಹೊಗಳಿಕೆಗಾಗಿ
ಯಾರ ತೆಗಳಿಕೆಗಾಗಿ ಅಲ್ಲ,
ಮನಸ್ಸಿನ ಮಾತಿಗೆ
ಲೇಖನಿ ಹಿಡಿಯುತ
ಬರೆಯುವೆ ನಾ ಕವನ //
ಮಾತಲಿ ಹೇಳದು
ಹೃದಯವು ತಾಳದು
ಭಾರದ ಮನಸ್ಸನ್ನು
ತಿಳಿಯಾಗಿಸಲು
ಬರೆಯುವೆ ನಾ ಕವನ //
ನನ್ನ ಬೆನ್ನನು ನಾನು ತಟ್ಟದೆ
ಹಿಗ್ಗು ಹರುಷವ
ಹೊರಗೆ ತೋರದೆ
ಮನದ ನೆಮ್ಮದಿಗೆ
ಬರೆಯುವೆ ನಾ ಕವನ //
-ಶೋಭಾ ಮಲ್ಕಿ ಒಡೆಯರ್*🖋
ಹೂವಿನ ಹಡಗಲಿ
*****
👆 ಶೋಭ ಮಲ್ಕಿಒಡೆಯರ್, ಹೂವಿನ ಹಡಗಲಿ