ಬಣ್ಣದ ಚಿಟ್ಟೆ
ರಂಗು ರಂಗಿನ ಹಾರುವ ಚಿಟ್ಟೆ
ಅಂದ ಚೆಂದದ ಬಣ್ಣದ ಚಿಟ್ಟೆ|
ಹೂವಿಂದ ಹೂವಿಗೆ ಹಾರುವ ಚಿಟ್ಟೆ
ಸವಿಯನು ಹೀರಿ ಪಕಳೆಯ ಅರಳಿಸಿ|
ಒಲವಿನ ಮುತ್ತನು ಸುರಿಸುವ ಚಿಟ್ಟೆ
ನಲಿಯುತ ನಗುತಲಿ ಬದುಕುವ ಚಿಟ್ಟೆ|
ಮಕ್ಕಳಿಗಂತು ಪ್ರೀತಿಯ ಪತಂಗ
ಬಯಸುತ ಆಟದಿ ನಿನ್ನಯ ಸಂಗ|
ಹಿಡಿಯಲು ಹೋದರೆ ನೀನು ಪರಾರಿ
ಜೀವನ ಇಷ್ಟೇ ಪಾಠವ ಸಾರಿ|
ಖುಷಿಯಲಿ ಬಾಳುವ ನೀತಿಯ ಹೇಳಿ
ಅದಲು ಬದಲಿನ ಹೂವನು ಅರಸಿ|
ಹೊಳೆಯುವ ಪರಿಯನು ನೀಡುತ ಸಾಗಿ|
ಪ್ರೀತಿಯ ರಂಗನು ಹಂಚುತ ಜಗದಿ||
-ಧರಣೀಪ್ರಿಯೆ, ದಾವಣಗೆರೆ
*****