ಅನುದಿನ ಕವನ-೬೮೯, ಕವಿ: ಪ್ರಕಾಶ ಮಲ್ಕಿಒಡೆಯರ್, ಹೂವಿನ ಹಡಗಲಿ, ಕವನದ ಶೀರ್ಷಿಕೆ: ನಾಲ್ಕು ಹನಿಗಳು

 

ನಾಲ್ಕು ಹನಿಗಳು

೧
ಪ್ರಕೃತಿ ಅನ್ನೋದು
ದೇವರ ಮನಿ ಇದ್ದಂಗ
ತೀರ್ಥ ಪ್ರಸಾದ ಎಲ್ಲಾ ಸಿಕ್ತಾವು
ಅದರೊಳಗs
ಎಲ್ರೂ ಹಂಚ್ಕೋಬೇಕು ಅದನ್ನ
ಅದ ಬಿಟ್ಟು ನೀss ವಿಕೃತಿ ಮಾಡಾಕ ಹೊರಟ್ರ
ದೇವ್ರು ಪಾಠ ಕಲಸ್ತಾನ
ನೀssಮರೀದ್ಹಾಂಗ!

೨
ಗುಡಿಯಾಗ ಕುಂತಾವ ಮಾತ್ರ
ಗುರು ಅಲ್ಲಾ
ಮಾತಿಗೆ ಮೊದ್ಲ ಯೋಚ್ನೆ ಮಾಡೋರು
ಖರೆ ಖರೆ ಗುರು ಸದ್ಗುರು

೩
ಶಿವಾನುಭವ ದಾಗ
ತಿಳ್ಕೋಬೇಕು
ತೊಳ್ಕೋಬೇಕು
ಕಳಕೋಬೇಕು
ಪಡಕೋಬೇಕು
ಇಂತವನ್ನ ಅಂತಾರ ಜಾಣ ಹಿಂಗಂತಾರ ನಮ್ಮ ಶರಣ

೪
ಧರ್ಮ ವಂತರಿಗೆ ಪರಬ್ರಹ್ಮ ಕೂಡ ನಡುಗ್ತಾನ;
ಹರಿ ಹರ ಸುರರು ಕೂಡ ಅಂಜ್ತಾರ,
ಅಲ್ಪ ಸುಖಕ್ಕ ಹಲ್ಲು ಗಿಂಜೋರ್ನ ಕಂಡ್ರ
ನಮ್ಮ ಶರಣರು ಅದ್ಹೆಂಗ ಸುಮ್ನಿರ್ತಾರ!

-ಪ್ರಕಾಶ್ ಮಲ್ಕಿಒಡೆಯರ್
ಹೂವಿನ ಹಡಗಲಿ
*****