ಶಿಶುಗೀತೆ:
ಅಜ್ಜೋರ ಇದ್ದರು ಅಜ್ಜೋರು
ಅಜ್ಜೋರ ಇದ್ದರು ಅಜ್ಜೋರು
ಶ್ರೀ ಸಿದ್ದೇಶ್ವರ ಅಜ್ಜೋರು//ಪ/
ಅವರು ನಡೆದಾಡುವ ದೇವರು/
ನಗುತ ನಲಿವು ತಂದವರು/
ನಾಡಿಗೆ ಬೆಳಕು ಎಂದವರು/
ನಾಡೆ ಬೆಳಗಿ ಹೋದವರು/೧/
ಬೆಳ್ಳನೆ ಬಟ್ಟಿ ತೊಟ್ಟವರು/
ಜೇಬಿಲ್ಲದಂಗಿ ಉಟ್ಟವರು/
ಕಾಸಿಲ್ಲದೆ ಕೆಲಸ ಮಾಡಿದರು/
ಕೈಲಾಸವೆ ತಮ್ಮಲಿ ತಂದವರು/೨/
ಬೇಕು ಬೇಡಗಳ ಸುಟ್ಟವರು/
ಧ್ಯಾನದಲಿ ದಿನ ಇದ್ದವರು/
ಜಗಕೆ ಜ್ಞಾನವ ಕೊಟ್ಟವರು/
ಬೆಳಕಿನ ಹೆಜ್ಜಿ ಇಟ್ಟವರು/೩/
ನಿರ್ಭಾವದಿ ಸದಾ ಇದ್ದವರು/
ಭಾವದ ಬದುಕ ತಂದವರು/
ಸದ್ಧರ್ಮವನು ಹೇಳಿದರು/
ಸತ್ಯದ ಮಾರ್ಗದಿ ನಡೆದಿಹರು/೪/
ಪ್ರವಚನ ಸಾರವ ತಿಳಿಸಿಹರು/
ಪರಪಂಚಕೆ ದಾರಿ ತೋರಿದರು/
ಎಲ್ಲವು ಇಲ್ಲವೋ ಎಂದವರು/
ಬಯಲಲಿ ಬಯಲ ಆಗಿಹರು/೫/
-ಸಾಹೇಬಗೌಡ ಯ ಬಿರಾದಾರ, ತಾಳಿಕೋಟಿ
*****