ಹೊಸಪೇಟೆ, ಫೆ.3: ತಾಲೂಕಿನ ಮರಿಯಮ್ಮನಹಳ್ಳಿ ಪಟ್ಟಣದ ಪತ್ರಕರ್ತ ಜಿ.ವಿ ಸುಬ್ಬರಾವ್ ಅವರಿಗೆ ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘದ ರಾಜ್ಯಮಟ್ಟದ ಪಟೇಲ್ ಭೈರಹನುಮಯ್ಯ ಪ್ರಶಸ್ತಿ ಲಭಿಸಿದ್ದು ಭಾನುವಾರ(ಫೆ.5) ವಿಜಯಪುರದಲ್ಲಿ ಗಣ್ಯರಿಂದ ಸ್ವೀಕರಿಸುವರು.
ವಿಜಯಪುರದಲ್ಲಿ ಫೆ.4ಹಾಗು5ರಂದು ನಡೆಯುವ 37ನೇ ಪತ್ರಕರ್ತರ ರಾಜ್ಯ ಸಮ್ಮೇಳನದಲ್ಲಿ ಉತ್ತಮ ಮಾನವೀಯ ವರದಿಗಾಗಿ ಕೊಡಮಾಡುವ ಪಟೇಲ್ ಭೈರಹನುಮಯ್ಯ ಪ್ರಶಸ್ತಿ ಸೇರಿದಂತೆ ವಿವಿಧ ಪ್ರಶಸ್ತಿಗಳನ್ನು ಪ್ರದಾನ ಮಾಡಲಾಗುದು.
ಬಳ್ಳಾರಿ ಬೆಳಗಾಯಿತು ದಿನಪತ್ರಿಕೆಯಲ್ಲಿ 2021ರಲ್ಲಿ ಪ್ರಕಟವಾಗಿದ್ದ ‘ಇಲ್ಲಿ ಮಾನವೀಯತೆ ಮರೆಯಾಗಿದೆಯಾ?’ ವಿಶೇಷ ವರದಿಗೆ ಪ್ರಶಸ್ತಿ ದೊರೆತಿದೆ.
ಅಭಿನಂದನೆ: ಭಾನುವಾರ ಸಮಾವೇಶದ ಸಮಾರೋಪ ದಲ್ಲಿ ಪ್ರಶಸ್ತಿ ಸ್ವೀಕರಿಸುತ್ತಿರುವ ಜಿ.ವಿ ಸುಬ್ಬರಾವ್ ಅವರನ್ನು ಕರ್ನಾಟಕ ಮಾಧ್ಯಮ ಅಕಾಡೆಮಿ ಪ್ರಶಸ್ತಿ ಪುರಸ್ಕೃತ ಹಿರಿಯ ಪತ್ರಕರ್ತ ಸಿ. ಮಂಜುನಾಥ್ ಅಭಿನಂದಿಸಿದ್ದಾರೆ.
*****