ಹೊಸಪೇಟೆ, ಮಾ. 28: ತಾಲೂಕಿನ ವಡ್ರಹಳ್ಳಿ ಗ್ರಾಮದ ಪ್ರಗತಿಪರ ರೈತ ದಳವಾಯಿ ದೊಡ್ಡ ಮಲಿಯಪ್ಪ(೬೦) ಭಾನುವಾರ ಸಂಜೆ ನಿಧನರಾದರು.
ಹಲವು ದಿನಗಳಿಂದ ಅನಾರೋಗ್ಯದಿಂದ ಬಳಲುತ್ತಿದ್ದ ಮಲಿಯಪ್ಪ ಅವರು,
ಪತ್ನಿ, ಪುತ್ರರು, ಅಣ್ಣ ಗ್ರಾಮದ ಮುಖಂಡ ದಳವಾಯಿ ಸಣ್ಣ ಹನುಮಯ್ಯ, ತಮ್ಮ ಹೊಸಪೇಟೆ ಪಟ್ಟಣ ಠಾಣೆಯ ಎ ಎಸ್ ಐ ದಳವಾಯಿ ಮಲ್ಲೇಶಪ್ಪ ಸೇರಿದಂತೆ ಅಪಾರ ಬಂಧು ಮಿತ್ರರನ್ನು ಅಗಲಿದ್ದಾರೆ.
ಸೋಮವಾರ ಮಧ್ಯಾಹ್ನ ಒಂದು ಗಂಟೆಗೆ ವಡ್ರಹಳ್ಳಿ ರುದ್ರ ಭೂಮಿಯಲ್ಲಿ ಅಂತಿಮ ಸಂಸ್ಕಾರ ನೆರವೇರಿತು.
ಅಂತಿಮ ನಮನ: ಹ ಬೊ ಹಳ್ಳಿ ಸರಕಾರಿ ಪ್ರಥಮ ದರ್ಜೆ ಕಾಲೇಜಿನ ಪ್ರಾಚಾರ್ಯ ಡಾ. ಕೆ. ವೆಂಕಟೇಶ್, ಹೊಸಪೇಟೆ ಸರಕಾರಿ ಪ್ರಥಮ ದರ್ಜೆ ಕಾಲೇಜಿನ ಆಂಗ್ಲ ವಿಭಾಗದ ಮುಖ್ಯಸ್ಥ ಡಾ. ಟಿ ಎಚ್ ಬಸವರಾಜ್, ಪಿ ಐ ಜಯಪ್ರಕಾಶ್ ಮತ್ತಿತರ ಗಣ್ಯರು ಅಂತಿಮ ನಮನ ಸಲ್ಲಿಸಿದರು.
ಕಂಬನಿ: ದಳವಾಯಿ ದೊಡ್ಡಮಲಿಯಪ್ಪ ಅವರ ಅಕಾಲಿಕ ನಿಧನಕ್ಕೆ ಹಿರಿಯ ಪತ್ರಕರ್ತ ಬಳ್ಳಾರಿಯ ಸಿ.ಮಂಜುನಾಥ ಕಂಬನಿ ಮಿಡಿದಿದ್ದಾರೆ.
*****