🍀🌺💐ಎಲ್ಲರಿಗೂ ವಿಶ್ವ ಪರಿಸರ ದಿನಾಚರಣೆಯ ಶುಭಾಶಯಗಳು🍀💐
🌴 ನಿಮ್ಮಂತೆ ನಾವು🌴
ಕೊಡಲೀನs ಹಾಕಬ್ಯಾಡ
ಕರುಳಿಗೆ ನಮ್ಮ ಕೊರಳಿಗೆ
ಕೊಡಲೀನs ಹಾಕಬ್ಯಾಡ
ಕರುಳಿಗೆ ನಮ್ಮ ಕೊರಳಿಗೆ //
ನೀ ಕೊಡಲಿ ಹಾಕಿದರ
ನಮ್ಮ ಬದುಕಿಗೆ ಉಳಿಗಾಲವೆಲ್ಲಿ !?
ಬಳಗವೇ ನಾಶವಾದರೆ
ನಿಮ್ಮ ಉಸಿರು ಉಳಿಯುದೆಲ್ಲಿ ?
ಇನ್ನಾದರು ಅರಿತು
ನಡೆ ನೀ ಮನುಜ //
ಬದುಕ್ತೀವಿ, ಬೆಳೆತೀವಿ
ನಮ್ಮ ಪಾಡಿಗೆ ಬಿಟ್ಟು ಬಿಡು
ತೊಂದರೆಯ ಕೊಡದ್ಹಂಗ
ಜೀವದಾನವ ಮಾಡಿಬಿಡು
ಕಟುಕ ನೀ ಆಗದ್ಹಂಗ
ದಿಟವಾದ ಪ್ರೀತಿ ಕೊಡು //
ನಿಮ್ಮನೆಯ ಸೂರಿಗೆ
ನಮ್ಮಿಂದಲೇ ಕಿಟಕಿ, ಬಾಗಿಲು
ಆದರೂ ತೃಪ್ತಿಯಿಲ್ಲದ
ಮುಗಿಯದಾಯ್ತು ನಿಮ್ಮಯ ತೆವಲು
” ಮನೆಮುಂದೆ ಮರವಿರಲಿ
ಮನೆಗೊಂದು ಮಗುವಿರಲಿ ”
ಮಕ್ಕಳು ತೊರೆದರೂ
ನಾವಿರುವೆವು ಕೊನೆಯವರೆಗು //
ಆಸೆಗೆ ಮಿತಿಯಿಲ್ಲ
ಆಕಾಶಕ್ಕೆ ಎಣೆಯಿಲ್ಲ
ಎಲ್ಲೆ ಮೀರಿದರೆ, ನಿಮ್ಮ ಪೀಳಿಗೆಗೆ ಉಳಿಗಾಲವಿಲ್ಲ
ನಿಮ್ಮಂತೆ ನಾವು
ಕೊಡಬ್ಯಾಡರಿ ನೋವು
ಸ್ವಚ್ಛಂದವಾಗಿ ನಗಬೇಕು ನಾವು //
ಪರಿಸರದ ನಾಶಕ್ಕೆ
ಹೊಣೆ ನೀನೆ ಆಗಬ್ಯಾಡ
ಪಸರಿಸಲಿ ಹಸಿರಸಿರು
ಉಳಿದೀತು ನಿಮ್ಮಗಳ ಉಸಿರು
‘ ಆರೋಗ್ಯವೇ ಭಾಗ್ಯವೆಂದು ‘ ತಿಳಿದು
ಕೊಡಲಿಯ ಕೆಳಗೆ ಇಡು,
ನಮ್ಮಂತೆ ನೀನೂ ಸದಾ ಖುಷಿಪಡು //
🌱🌱🌱🌱🌱🌱🌱🌱🌱🌱
-ಶೋಭಾ ಮಲ್ಕಿಒಡೆಯರ್ 🖊️
ಹೂವಿನ ಹಡಗಲಿ