ಬಳ್ಳಾರಿ, ಜೂನ್. 18:ನಗರದ ನಲ್ಲಚೆರುವಿನ ಸರಕಾರಿ ಪಿಯು ಕಾಲೇಜಿನ ಪ್ರಾಂಶುಪಾಲರಾಗಿದ್ದ ಅವಿವಾಹಿತ ಮೋಹನ ರೆಡ್ಡಿ (೫೯) ಅವರು ಭಾನುವಾರ ಸಂಜೆ ತೀವ್ರ ಹೃದಯಾಘಾತದಿಂದ ಕೊಪ್ಪಳದಲ್ಲಿರುವ ಸಹೊದರಿಯ ಮನೆಯಲ್ಲಿ ನಿಧನರಾಗಿದ್ದಾರೆ.
ಮೃತರ ಅಂತ್ಯಕ್ರಿಯೆ ಅವರ ಸ್ವಂತ ಊರಾದ ಗೊಲ್ಲ ಲಿಂಗಮ್ಮನಹಳ್ಳಿಯಲ್ಲಿ ಸೋಮವಾರ ಮಧ್ಯಾಹ್ನ 2-30 ಗಂಟೆಗೆ ನೆರವೇರಲಿದೆ ಎಂದು ಕುಟುಂಬದ ಮೂಲಗಳು ತಿಳಿಸಿವೆ.
ಮೃತರು ಅಪಾರ ಸಂಖ್ಯೆಯ ಮಿತ್ರರು, ಬಂಧುವರ್ಗ ಹಾಗೂ ವಿದ್ಯಾರ್ಥಿಗಳನ್ನು ಅಗಲಿದ್ದಾರೆ. ಮೃತರ ಗೌರವಾರ್ಥ ಕಾಲೇಜಿಗೆ ಸೋಮವಾರ ರಜೆ ನೀಡಲಾಗಿದೆ ಎಂದು ಮೂಲಗಳು ತಿಳಿಸಿವೆ.
ಪರಿಸರಪ್ರೇಮಿ, ರಂಗ ಕಲಾವಿದರ ಆಗಿದ್ದ ಮೋಹನ ರೆಡ್ಡಿ ಅವರ ಆತ್ಮಕ್ಕೆ ಶಾಂತಿ ಕೋರಿರುವ ಗುಲ್ಬರ್ಗಾ ವಿವಿ ಮಾಜಿ ಸೆನೆಟ್ ಸದಸ್ಯ, ಹಿರಿಯ ಪತ್ರಕರ್ತ ಸಿ.ಮಂಜುನಾಥ್ , ಹಿರಿಯ ರಂಗ ಕಲಾವಿದ ಡಾ.ಪಿ ಎಲ್ ಗಾದಿಲಿಂಗನ ಗೌಡ, ಹೊಸಪೇಟೆ ಬಿಸಿಎಂ ಹಾಸ್ಟೆಲ್ ಸಹಪಾಠಿಗಳಾದ ಎ ಎಸ್ ಐ ದಳವಾಯಿ ಮಲ್ಲೇಶಪ್ಪ, ಪ್ರಾಚಾರ್ಯ ಡಾ. ಕೆ. ವೆಂಕಟೇಶ್, ನಿವ್ತತ್ತ ಉಪನ್ಯಾಸಕ ಎಸ್.ಜಗನ್ನಾಥ್, ಅಧ್ಯಾಪಕರಾದ ದೊಡ್ಡಮನಿ ಉಸ್ಮಾನ್, ಮಿಠಾಯಿ ವೆಂಕಟೇಶ್, ನ್ಯಾಯವಾದಿ ಬಿ.ಪಾಲ್ ಫಕ್ಕೀರಪ್ಪ, ಹಿರಿಯ ರಂಗ ಕಲಾವಿದ ಪುರುಷೋತ್ತಮ ಹಂದ್ಯಾಳ್, ಆಲಾಪ್ ಸಂಸ್ಥೆಯ ರಮಣಪ್ಪ ಮತ್ತಿತರರು ಕಂಬನಿ ಮಿಡಿದಿದ್ದಾರೆ.
ರಂಗ ನಟರು, ಸಾಹಿತಿಗಳು, ಪರಿಸರ ಪ್ರೇಮಿಗಳು, ವಿದ್ಯಾರ್ಥಿಗಳು ತೀವ್ರ ಶೋಕ ವ್ಯಕ್ತಪಡಿಸಿದ್ದಾರೆ.
*****