ಬಳ್ಳಾರಿ, ಜು.೧೦: ನಗರದ ಸರ್ಕಾರಿ ಪ.ಪೂ ಕಾಲೇಜಿನ ಪ್ರಾಂಶುಪಾಲರು ರಂಗಭೂಮಿ ಕಲಾವಿದರು ಸಂಘಟಕರು ಹಾಗು ಬಳ್ಳಾರಿ ಜಿಲ್ಲಾ ಪಿಯು ಕಾಲೇಜ್ ಪ್ರಾಂಶುಪಾಲರ ಸಂಘ ಅಧ್ಯಕ್ಷರಾಗಿದ್ದ ಎಂ ಮೋಹನರೆಡ್ಡಿಯವರು ಕಳೆದ ತಿಂಗಳು ತೀವ್ರ ಹೃದಯಾಘಾತಕ್ಕೆ ಒಳಗಾಗಿ ನಿಧನರಾದ ಪ್ರಯುಕ್ತ ಶೀಯತರಿಗೆ ಶ್ರದ್ಧಾಂಜಲಿ ಹಾಗು ನುಡಿ ನಮನ ಕಾರ್ಯಕ್ರಮವನ್ನು ಭಾನುವಾರ ಸಂಜೆ ಹಮ್ಮಿಕೊಳ್ಳಲಾಗಿತ್ತು.
ಕಾರ್ಯಕ್ರಮವನ್ನು ರಂಗ ಜಂಗಮ ಸಂಸ್ಥೆ ಹಾಗು ರಂಗ ಕಲಾವಿದರ ಬಳಗದ ಸಹಯೋಗದಲ್ಲಿ ನಗರದ ಡಿ ಆರ್ ಕೆ ರಂಗಸಿರಿಯ ಬೀಚಿ ಸಭಾಂಗಣ ಬಳ್ಳಾರಿ ಇಲ್ಲಿ ಆಯೋಜಿಸಲಾಗಿತ್ತು.
ಕಾರ್ಯಕ್ರಮದ ಆರಂಭದಲ್ಲಿ ಶ್ರೀಯುತರ ಭಾವ ಚಿತ್ರಕ್ಕೆ ಪುಷ್ಪ ಸಮರ್ಪಿಸಿ,ಮೌನಾಚರಣೆ ಮಾಡುವುದರ ಮೂಲಕ ಶ್ರದ್ಧಾಂಜಲಿ ಅರ್ಪಿಸಲಾಯಿತು.
ಅಭಿನಯ ಕಲಾ ಕೇಂದ್ರದ ನಿರ್ದೇಶಕರೂ ಆದ ಸಾಹಿತಿ ಕೆ ಜಗದೀಶ್ ಅವರು ರಂಗ ಗೀತೆ ಗಾಯನದೊಂದಿಗೆ ನುಡಿನಮನ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು.
ಕಾರ್ಯಕ್ರಮದಲ್ಲಿ ರಂಗಭೂಮಿ ಕಲಾವಿದರು ಮೋಹನರೆಡ್ಡಿ ಅವರ ಒಡನಾಡಿಗಳು ಸಿಬ್ಬಂಧಿ ವರ್ಗದವರು ಪಾಲ್ಗೊಂಡು ನುಡಿನಮನ ಸಲ್ಲಿಸಿದರು.
ಕುಮಾರಿ ಮೈತ್ರಿ ಗೌಡ. ಉಪನ್ಯಾಸಕರಾದ ಬಿ ಕಾಶಿಮ್ ಅಲಿ, ಎ.ಎಂ.ಪಿ ವೀರೇಶಸ್ವಾಮಿ, ರಾಘವೇಂದ್ರ ಗುಡದೂರ್. ವಿನಯ್ ಸಿಂದಿಗೇರಿ, ವಿ ಎಸ್ ಕೆ ವಿಶ್ವವಿದ್ಯಾಲಯ ಪ್ರದರ್ಶನ ಕಲಾ ವಿಭಾಗದ ಮುಖ್ಯಸ್ಥ ಪ್ರೊ ಶಾಂತನಾಯಕ್ ಅವರು ರಂಗ ಗೀತೆಗಳನ್ನು ಪ್ರಸ್ತುತ ಪಡಿಸಿದರು.
ಕಸಾಪ ನಿಕಟಪೂರ್ವ ಅದ್ಯಕ್ಷ ಸಿದ್ದರಾಮ ಕಲ್ಮಠ, ಹಿರಿಯ ರಂಗ ಕಲಾವಿದ ಡಾ.ಪಿ ಎಲ್. ಗಾದಿಲಿಂಗನಗೌಡ. ತಿಪ್ಪೇರುದ್ರಪ್ಪ ಪ್ರಾಣೇಶ್ ಉಪನ್ಯಾಸಕರು, ನಿವೃತ್ತ ಪ್ರಾಂಶುಪಾಲ ಪ್ರೊ.ಹೇಮಣ್ಣ, ಕೆ ಜಗದೀಶ್ ಡಾ.ಅಣ್ಣಜಿ ಕೃಷ್ಣಾರೆಡ್ಡಿ ವಿಷ್ಣು ಹಡಪದ. ಹೊನ್ನೂರು ಸ್ವಾಮಿ ,ಚಾಂದ್ ಪಾಷಾ ಅವರು ನುಡಿನಮನ ಸಲ್ಲಿಸಿದರು.
ಎ.ಎಂ.ಪಿ ವೀರೇಶಸ್ವಾಮಿ ಉಪನ್ಯಾಸಕರು ಇವರು ಮೋಹನರೆಡ್ಡಿ ಕುರಿತಾಗಿ ಕವನ ವಾಚಿಸಿ ಗಮನ ಸೆಳೆದರು.
ಹಿರಿಯ ರಂಗಭೂಮಿ ಕಲಾವಿದರಾದ ವೆಂಕೋಬಾಚಾರ್ . ನೇತಿ ರಘುರಾಮ್ ಬಿ ಗಂಗಣ್ಣ ಜೆ.ಎಂ ಶಿವರುದ್ರಯ್ಯ ನಾಗಭೂಷಣ್ ಅಮರಾಪುರದ ನಾಗರಾಜ, ಬಲಗುಡ್ಡದ ವೀರನಗೌಡ, ಮುದ್ದಟನೂರು ತಿಪ್ಪೇಸ್ವಾಮಿ, ಶ್ರೀಮತಿ ಲತಾಶ್ರೀ ಹಾಗೂ ಪ್ರಾಂಶುಪಾಲ ಸಂಘದ ಪದಾಧಿಕಾರಿಗಳು ಉಪನ್ಯಾಕರು ವಿದ್ಯಾರ್ಥಿಗಳು ಮತ್ತು ಕಲಾ ಬಂಧುಗಳು ಭಾಗವಹಿಸಿದ್ದರು.
*****