ಬೆಂಗಳೂರು, ಆ.7: ಬೆಂಗಳೂರು ವಿಶ್ವವಿದ್ಯಾಲಯ ಜ್ಞಾನಭಾರತಿ ಆವರಣದಲ್ಲಿರುವ ಯುಸಿಪಿಇ ಮೈದಾನದಲ್ಲಿ ‘ಫೈಟ್ ಫಾರ್ ಟ್ರೋಪಿ’ ಹೆಸರಿನಲ್ಲಿ ಇಂದು (ಆಗಸ್ಟ್ 07 ರಿಂದ 10ರ ವರೆಗೆ) ಅಂತರ್ ಕಾಲೇಜು ಕ್ರಿಕೆಟ್ ಪಂದ್ಯಾವಳಿ ನಡೆಯಲಿದೆ ಎಂದು ಬೆಂಗಳೂರು ವಿಶ್ವವಿದ್ಯಾಲಯದ ಸ್ವಾಭಿಮಾನಿ ಸ್ನಾತಕೋತ್ತರ ಮತ್ತು ಸಂಶೋಧನಾ ವಿದ್ಯಾರ್ಥಿಗಳ ವೇದಿಕೆಯ ಹಿರಿಯ ವಿದ್ಯಾರ್ಥಿ ಮುಖಂಡ ಶ್ರೀಧರ್ ಎಸ್ ಅವರು ತಿಳಿಸಿದ್ದಾರೆ.
ಅಂತರ್ ಕಾಲೇಜು ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಬೆಂವಿವಿಯ ಪದವಿ ಮತ್ತು ಮತ್ತು ಸ್ನಾತಕೋತ್ತರ ಪದವಿ ಕಾಲೇಜು ಸೇರಿದಂತೆ ಇತರೆ ವಿವಿಯ ವಿದ್ಯಾರ್ಥಿಗಳು ಪಾಲ್ಗೊಳ್ಳಲು ಅವಕಾಶವಿದ್ದು, ಪ್ರಥಮ ಬಹುಮಾನ 20.000 ರೂ ಟ್ರೋಫಿ, ಎರಡನೇ ಬಹುಮಾನ 10.000 ರೂ, ಟ್ರೋಫಿ, ಮೂರನೇ ಬಹುಮಾನ 5.000 ರೂ, ಟ್ರೋಫಿ ನಗದು ನೀಡಲಾಗುವುದು ಎಂದು ಪತ್ರಿಕಾ ಪ್ರಕಟಣೆಯಲ್ಲಿ ಮಾಹಿತಿ ನೀಡಿದ್ದಾರೆ
ಇದೇ ವೇಳೆಯಲ್ಲಿ ಸದರಿನಿಯಮಗಳನ್ನು ಪ್ರವೇಶ ಶುಲ್ಕ ಪಾವತಿಸಬೇಕಿದೆ, ಅಂಪೈರ್ ಗಳ ನಿರ್ಧಾರವೇ ಅಂತಿಮ, 6 ಓವರ್ ಬೌಲಿಂಗ್ ಹಾಗೂ 2 ಓವರ್ ಮಾತ್ರ ಪವರ್ ಪ್ಲೇ ಆಗಿರುತ್ತದೆ. ಇದರಲ್ಲಿ ಅಂತಿಮ ಪಂದ್ಯವು 8 ಓವರ್ ಗಳನ್ನು ಒಳಗೊಂಡಿದೆಂದು ಎಂದು ಪ್ರಾಯೋಜಕರು ಹಾಗೂ ವಿದ್ಯಾರ್ಥಿ ಮುಖಂಡರು ಲೋಕೇಶ್ ಎನ್, ಶಶಿಕುಮಾರ್ ಪಿ ಅವರು ವಿವರಿಸಿದ್ದಾರೆ. ಕ್ರೀಡಾ ಅಭಿಮಾನಿಗಳು ‘ಫೈಟ್ ಫಾರ್ ಟ್ರೋಫಿ’ಯ ಪಂದ್ಯಾವಳಿಯನ್ನು ಸದುಪಯೋಗ ಮಾಡಿಕೊಳ್ಳಬೇಕೆಂದು ಪ್ರಾಯೋಜಕರು ಹಾಗೂ ಸ್ವಾಭಿಮಾನಿ ಸ್ನಾತಕೋತ್ತರ ಮತ್ತು ಸಂಶೋಧನಾ ವಿದ್ಯಾರ್ಥಿಗಳ ವೇದಿಕೆಯ ಮುಖಂಡರಾದ ಶುಭಕರ್, ವಿಜಯ್, ಕೃಷ್ಣ, ಪ್ರಮೋದ್, ಮನು, ಉದಯ, ರಾಜೇಶ್, ಲಿಂಗರಾಜ್, ನಂದೀಶ್, ಮತ್ತಿತರರು ಮನವಿ ಮಾಡಿದ್ದಾರೆ.
—–