ಕವಿ ಎ.ಎನ್ ರಮೇಶ್ ಅವರ ಅತ್ಯಂತ ಇಷ್ಟದ ಕವಿತೆ ‘ಅನುಭಾವ’. ದಿವ್ಯಾನುಭೂತಿ ನೀಡುವ ಆಂತರ್ಯದ ಭಾವಗೀತೆ. ಅಂತರಂಗದ ಅದ್ಭುತ ಸೌಂದರ್ಯವನ್ನು, ಅನನ್ಯ ಮಾಧುರ್ಯವನ್ನು ಆಸ್ವಾಧಿಸಬೇಕೆಂದರೆ ಅಂತರ್ಮುಖಿಯಾಗಬೇಕು. ನಮ್ಮೊಳಗೆ ನಾವೇ ಮುಖಾಮುಖಿಯಾಗಬೇಕು ಅಂತಾರೆ…..ಕವಿ
ಎ.ಎನ್.ರಮೇಶ್. ಗುಬ್ಬಿ ಅವರು…..!👇
ಅನುಭಾವ..!
ಮಾತುಗಳಿಲ್ಲದ ಮೌನ
ಮೌನವಲ್ಲ..!
ಭಾವಗಳಿಲ್ಲದ ಮೌನ
ನಿಜಮೌನ.!
ಮನ ನಿರ್ಲಿಪ್ತವಾದರೆ
ಧ್ಯಾನವಲ್ಲ..!
ಮನ ನಿರ್ವಾತವಾದರೆ
ನಿಜಧ್ಯಾನ.!
ತಟಸ್ಥೆಯೊಳು ಬೆಳಕಿನ
ದಿವ್ಯದರ್ಶನ..!
ಅಂತರಾತ್ಮನೊಂದಿಗೊಂದು
ಸಂದರ್ಶನ..!
ಅವ್ಯಕ್ತ ಅನಂತತೆಯೊಳು
ಜೀವ ಲೀನ.!
ಅವರ್ಣನೀಯ ಅನುಭಾವದಿ
ಭಾವ ವಿಲೀನ..!
-ಎ.ಎನ್.ರಮೇಶ್. ಗುಬ್ಬಿ.
*****
