ಎಸ್.ರಶ್ಮಿ
ರೇಖಾ ಪ್ರಕಾಶ್
ಬಳ್ಳಾರಿ,ಸೆ.27: ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘ 2019ರ ವಿವಿಧ ದತ್ತಿ ನಿಧಿ ಪ್ರಶಸ್ತಿಯನ್ನು ಪ್ರಕಟಿಸಿದ್ದು, ಕಿಡಿ ಶೇಷಪ್ಪ ದತ್ತಿ ಪ್ರಶಸ್ತಿಗೆ ಹೊಸಪೇಟೆ ಟೈಮ್ಸ್ ಸಂಪಾದಕಿ ಕೆ.ಎಂ ರೇಖಾ ಪ್ರಕಾಶ್ ಮತ್ತು ಯಶೋದಮ್ಮ ಜಿ. ನಾರಾಯಣ ಪ್ರಶಸ್ತಿಗೆ ಪ್ರಜಾವಾಣಿ ಹುಬ್ಬಳ್ಳಿ ಆವೃತ್ತಿ ಮುಖ್ಯಸ್ಥೆ ಎಸ್. ರಶ್ಮಿ ಅವರು ಭಾಜನರಾಗಿದ್ದಾರೆ.
ಸಂಪಾದಕರಾಗಿದ್ದ ತಮ್ಮ ಪತಿ ಎಸ್.ಎಂ ಪ್ರಕಾಶ್ ಅವರು ಐದು ವರ್ಷದ ಹಿಂದೆ ವಿಧಿವಶರಾದ ಬಳಿಕ ರೇಖಾ ಪ್ರಕಾಶ್ ಅವರೇ ಹೊಸಪೇಟೆ ಟೈಮ್ಸ್ ದಿನಪತ್ರಿಕೆಯ ಸಂಪಾದಕರಾಗಿ ಕಾರ್ಯನಿರ್ವಹಿಸುತ್ತಿದ್ದರು.
ಎಲೆ ಮರೆಯ ಕಾಯಂತೆ ಕಾಯಕ ನಿರ್ವಹಿಸುತ್ತಿದ್ದ ತಮ್ಮನ್ನು ಪತ್ರಕರ್ತರ ಸಂಘ ಗುರುತಿಸಿರುವುದ್ದಕ್ಕೆ ಸಂತೋಷವಾಗಿದೆ ಎಂದು ರೇಖಾ ಪ್ರಕಾಶ್ ಅವರು ಪ್ರತಿಕ್ರಿಯಿಸಿದ್ದಾರೆ.
ಪ್ರಶಸ್ತಿ ಪುರಸ್ಕೃತರು : ಸುವರ್ಣನ್ಯೂಸ್ ಹಾಗೂ ಕನ್ನಡ ಪ್ರಭ ಸಂಪಾದಕ ರವಿ ಹಗಡೆಯವರಿಗೆ ಪ್ರತಿಷ್ಠಿತ ‘ಡಿವಿಜಿ’, ಪ್ರಜಾವಾಣಿಯ ಬಿ.ಎಂ.ಹನೀಫ್ ಅವರಿಗೆ ‘ಹೆಚ್.ಎಸ್.ದೊರೆಸ್ವಾಮಿ ಪ್ರಶಸ್ತಿ, ಗೊಮ್ಮಟವಾಣಿಯ ಸಂಪಾದಕ ಎಸ್.ಎನ್ ಅಶೋಕ ಕುಮಾರ್ ಅವರಿಗೆ ಗೊಮ್ಮಟಮಾಧ್ಯಮ’ ಹಿರಿಯ ಪತ್ರಕರ್ತ ಎಸ್.ಕೆ.ಶೇಷಚಂದ್ರಿಕಾ ಅವರಿಗೆ ‘ ಪಾಟೀಲ್ ಪುಟ್ಟಪ್ಪ’, ಅ.ಚ.ಶಿವಣ್ಣನವರಿಗೆ ‘ಎಸ್.ವಿ.ಜಯಶೀಲರಾವ್ ‘ , ಕುಂದಪ್ರಭ ಸಂಪಾದಕರಾದ ಯು.ಎಸ್.ಶೆಣೈಗೆ ‘ಪಿ.ಆರ್.ರಾಮಯ್ಯ’ ಮಲೆನಾಡ ಮಂದಾರ ಪತ್ರಿಕೆ ಸಂಪಾದಕ ಕೆ. ಆರ್.ಮಂಜುನಾಥ್ ಅವರಿಗೆ ‘ಗರುಡನಗಿರಿ ನಾಗರಾಜ್ ‘, ಹಿರಿಯ ಪತ್ರಕರ್ತರಾದ ಕೋಡಿ ಹೊಸಳ್ಳಿ ರಾಮಣ್ಣನವರಿಗೆ ‘ ಎಚ್.ಕೆ.ವೀರಣ್ಣ ಗೌಡ’ ಶಿಡ್ಲು ಪತ್ರಿಕೆ ಸಂಪಾದಕರಾದ ರೇವಣ್ಣ ಸಿದ್ದಯ್ಯ ಮಹಾನುಭವಿಮಠ ರಿಗೆ ‘ ಪಿ.ರಾಮಯ್ಯ ‘, ಹುಬ್ಬಳ್ಳಿಯ ಪ್ರಜಾವಾಣಿ ಬ್ಯೂರೊ ಮುಖ್ಯಸ್ಥೆ ರಶ್ಮಿಯವರಿಗೆ ‘ ಯಶೋಧಮ್ಮ ಜಿ.ನಾರಾಯಣ’ ಪ್ರಶಸ್ತಿ, ಶಿವಮೊಗ್ಗದ ವಿಜಯವಾಣಿ ಬ್ಯೂರೊ ಮುಖ್ಯಸ್ಥರಾದ ಕೆ.ಎನ್. ಶಾಂತಕುಮಾರ್ ಅವರಿಗೆ ‘ಎಂ.ನಾಗೇಂದ್ರ ರಾವ್’, ವಿಜಯ ಕರ್ನಾಟಕದ ರಾಮಸ್ವಾಮಿ ಹುಲುಕೋಡ್ ರಿಗೆ ‘ ಮಿಂಚು ಶ್ರೀನಿವಾಸ’ , ಸಿಟಿ ಹೈಲೈಟ್ಸ್ ನ ಸಂಪಾದಕರಾದ ಪಿ.ಸುನೀಲ ಕುಮಾರ್ ಗೆ ‘ಹೆಚ್.ಎಸ್.ರಂಗಸ್ವಾಮಿ’ ಪ್ರಶಸ್ತಿಯನ್ನು ಪ್ರಕಟಿಸಲಾಗಿದೆ ಎಂದು ಸಂಘದ ಅಧ್ಯಕ್ಷ ಶಿವಾನಂದ ತಗಡೂರು, ಕಾರ್ಯದರ್ಶಿ ಜಯರಾಂ ಮತ್ತಿಕೆರೆ ತಿಳಿಸಿದ್ದಾರೆ.
ವಿಶೇಷ ಪ್ರಶಸ್ತಿ : ಸಂಘದ ವಿಶೇಷ ಪ್ರಶಸ್ತಿಗಳಿಗೆ
ರಾಯಚೂರು ಕನ್ನಡ ಪ್ರಭ ವರದಿಗಾರ ಪ್ರಹ್ಲಾದ ಗುಡಿ, ಕೋಲಾರ ಹಿರಿಯ ಪತ್ರಕರ್ತ ಮುನಿವೆಂಕಟೇಶ ಗೌಡ, ತೀರ್ಥಹಳ್ಳಿಯ ವಿಜಯಕರ್ನಾಟಕ ಪತ್ರಿಕೆಯ ಎಂ.ಕೆ.ರಾಘವೇಂದ್ರ ಮೆಗರವಳ್ಳಿ, ಬೆಂಗಳೂರಿನ ವಾರ್ತಾ ಭಾರತಿಯ ಉಪ ಸಂಪಾದಕ ಪ್ರಕಾಶ್ ರಾಮಜೋಗಿಹಳ್ಳಿ ಅವರು ಪ್ರಶಸ್ತಿಗೆ ಭಾಜನರಾಗಿದ್ದಾರೆ.
ಪ್ರಕಾಶ್ ರಾಮಜೋಗಿಹಳ್ಳಿ
ಅಭಿನಂದನೆ: ಪ್ರಶಸ್ತಿ ಪುರಸ್ಕೃತ ಸಾಧಕ ಪತ್ರಕರ್ತರೆಲ್ಲರಿಗೂ ಕರ್ನಾಟಕ ಮಾಧ್ಯಮ ಅಕಾಡೆಮಿ ಪ್ರಶಸ್ತಿ ಪುರಸ್ಕೃತ ಸಿ.ಮಂಜುನಾಥ್ ಅವರು ಅಭಿನಂದಿಸಿದ್ದಾರೆ.
*****